پيرس- 21 جنوري (اي پي پي) فرانس چيو آهي ته جيڪڏهن يورپ نئين چونڊيل آمريڪي صدر ڊونلڊ ٽرمپ جي پاليسين خلاف مزاحمت نه ڪئي ته کين ڀت سان لڳايو ويندو. پرڏيهي ميڊيا مطابق اها ڳالهه فرانس جي وزيراعظم فرانڪوبائرو هڪ بيان ۾ چئي . هن فرانس جي ڏکڻ اولهه شهر پائو ۾ آمريڪا جي نئين انتظاميه جي ڊالر، صنعت ۽ سيڙپاري بابت پاليسين طرف اشارو ڪندي چيو ته نئين چونڊيل صدر ڊونلڊ ٽرمپ جي حلف برادري سان آمريڪا اهڙي سياست جو فيصلو ڪيو آهي جيڪو غير معمولي بالادستي رکندڙ آهي . جيڪڏهن اسان ڪجهه نه ڪيو ته اسان جو مقدر سامهون آهي ، اسان ناڪام ٿي وينداسين. سندس چوڻ هو ته ڊونلڊ ٽرمپ جي آمد اسان کي ۽ اسان جي ذميوارن کي آمهون سامهون ڪري بيهاريو آهي۽ اها چين جي طاقت کي به چيڙائڻ واري صورتحال آهي.
