روم- 18 ڊسمبر (اي پي پي) ڪيٿولڪ چرچ جي سربراهه ۽ مسيحي برادري جي روحاني پيشوا پوپ فرانسس غزه جي ڪيٿولڪ گرجاگهر سان تعلق رکندڙ 02 مسيهي عورتن (ماءُ ۽ ڌيءَ) کي اسرائيلي سنائيپرز هٿان قتل جي مذمت ڪئي آهي.العربيه اردو مطابق پوپ فرانسس غزه ۾جاري جنگ جي حوالي سان ٻڌايو آهي ته اها سڌي سئين دهشتگردي آهي جنهن جو شڪار هولي فيملي جون 02 عورتون بڻيون آهن. اسان کي گهرجي ته اسان امن لاءِ خدا کان دعا گهرڻ گهرجي . ٻنهي عورتن کي اسرائيلي سنائيپرز ان وقت نشانو بنايو جڏهن ٻئي ماءُ ۽ ڌيءُ ڪانوينٽ وڃي رهيون هيون. ان کان علاوه 07 ڄڻا زخمي پڻ ٿيا آهن.
