گڏيل قومون- 15 ڊسمبر (اي پي پي) غزه ۾ جاري اسرائيلي فوج جي بمباري بعد شديد برسات ۽ ٻوڏ سبب بي گهر فلسطيني شهرين جي مشڪلاتن ۾ وڌيڪ اضافو ٿي ويو آهي . گڏيل قومن جي انساني معاملن واري رابطه آفيس (او سي ايڇ اي ) غزه ۾ اسرائيلي بمباري سبب صحت جي خراب صورتحال تي ڳڻتي جو اظهار ڪندي چيو آهي ته غزه جي ڪيترن علائقن ۾ اٽڪل 1.9 ملين ماڻهو بي گهر ٿي چڪا آهن ۽ اڌ کان وڌيڪ شهرين ڏکڻ علائقي رفع ۾ تحفظ حاصل ڪرڻ جي ڪوشس ڪئي آهي . غزه جي ڏکڻ ۾ گڏيل قومن جي فلسطيني پناگهير ايجنسي (يو اين آرڊبليو اي ) جي پناهگاهن ۾ گنجائش کان9 ڀيرا ٻيڻا ماڻهو آهن ۽ گهڻا ماڻهو ٻاهر سخت موسم سبب يا عارضي پناهگاهن ۾ رهندا آهن . او سي ايڇ اي چيو ته انهن پناهگاهن ۾ سيوريج جو انتظام ناهي ڪيو ويو . جنهن سبب بيمارين جي پکڙجڻ جو خطرو وڌي ويو آهي .
