ٽوڪيو-14 ڊسمبر (اي پي پي) جاپان جي حڪمران پارٽي لبرل ڊيموڪريڪٽ پارٽي (ايل ڊي پي) ۾ فنڊن ۾ ڪرپشن جو اسڪينڊل سامهون اچڻ کانپوءِ ٽن وزيرن استعيفا ڏني ۽ چيف ڪيبينيٽ سيڪريٽري پاران پڻ استعيفا ڏيڻ جو اشارو ڏنو ويو آهي. جاپان جي سرڪاري خابرو اداري موجب سياسي فنڊن جو اسڪينڊل سامهون اچڻ کانپوءِ اقتصاديات، واپار ۽ صنعت جي وزيرن استعيفا ڏني آهي ۽ چيف ڪيبينيٽ سيڪريٽري پاران استعيفا ڏيڻ جو اشارو ڏنو ويو آهي. واضح رهي ته جاپان جي حڪمران پارٽي (ايل ڊي پي) تي فنڊ ريزنگ ايونٽس جي آمدني ۾ ڪيترائي سئو ملين ين جو حساب نه ڏيڻ جو الزام لڳايو ويو آهي.
