منيلا-04 ڊسمبر (اي پي پي) فلپائن جي ڏاکڻي علائقي ۾ زلزلي جا لاڳيتو ٻه جهٽڪا محسوس ڪيا ويا جن جي شدت ريڪٽر اسڪيل تي ترتيب وار 6.9 ۽ 5.4 رڪارڊ ڪئي وئي. آمريڪي جيالوجيڪل سروي موجب سومر تي صبح جو ڏاکڻي فلپائن جي سامونڊي علائقي ۾ زلزلي جا جهٽڪا محسوس ڪيا ويا، جن جي شدت ريڪٽر اسڪيل تي 6.9 رڪارڊ ڪئي وئي جنهن جو مرڪز منڊانا ٻيٽ تي هيناتوان ميونسپالٽي جي اتر اوڀر ۾ 72 ڪلوميٽر پري ۽ 30 ڪلوميٽر زمين هيٺ هو. زلزلي کان فوري پوءِ ساڳئي علائقي ۾ هڪ ٻيو زلزلو رڪارڊ ڪيو ويو جنهن جي شدت ريڪٽر اسڪيل تي 5.4 رهي. جنهن جو مرڪز اراس آسن جي علائقي کان 28 ڪلوميٽر اوڀر ۾ 43 ڪلوميٽر زمين هيٺ هو.
