ابوظهبي -27 نومبر (اي پي پي) گڏيل عرب امارتن جي دبئي ۽ شارجه گولڊ مارڪيٽ ۾ مسلسل ٻئي هفتي سون جي قيمتن ۾ اضافو رڪارد ڪيو ويو آهي. سعودي سڌ سماءَ وارن ذريعن مطابق هلندڙ هفتي جي آخر ۾ مختلف قيراط جي هڪ گرم سون جي قيمت ۾ 2.25 کان اڍائي درهم تائين اضافو ٿيو آهي. ٻن هفتن دوران هڪ گرام سون جي قيمت ۾ مجموعي اضافو ساڍا 7 درهم تائين رڪارڊ ڪيو ويو آهي. 24 قيراط هڪ گرام سون جي قيمت 2.5 درهم جي اضافي سان 242.5 درهم ٿي وئي. 22 قيراط هڪ گرام سون 224.75 درهم، 21 قيراط جي 217.5 درهم ۽ 18 قيراط هڪ گرام سون جي قيمت 186.5 درهم ٿي وئي.
