رياض_22 نومبر(اي پي پي) سعودي عرب ۾ ٽرانسپورٽ جنرل اٿارٽي (ٽي جي اي لمجدوعلي لاجسٽڪ ڪمپني جي سهڪار سان پهريون هائيڊروجن ٽرڪ لانچ ڪري ڇڏيو آهي. ميڊيا رپورٽن موجب ٽي جي اي اهو منصوبو سعودي ويزن 2030 جي مقرر ڪيل هدفن موجب آهي جنهن موجب ملڪ کي ڪاربن گدلاڻ کان پاڪ ماحول فراهم ڪرڻ آهي، ٽي جي اي ان حوالي سان وڌيڪ ٻڌايو ته هائيڊروجن ٽرڪ ڪاربن فري آهي ، ان سان لاجسٽڪ خدمتن ۽ ٽرانسپورٽ جي قومي حڪمت عملي جو هدف پورو ڪرڻ آهي، ٽرڪ سلامتي جي ضابطن موجب سامان جي چرپر لاءِ خاص طريقي سان ڊيزائن ڪيو ويو آهي، ڄاڻايل ٽرڪ ۾ 35 ڪلو گرام تائين هائيڊروجن جي گنجائش آهي، ٽي جي اي ٻڌايو ته المجدوعي ڪمپني کي ملڪ ۾ هائيڊروجن ٽرڪ آپريٽ ڪرڻ لاءِ پهريون لائسنس جاري ڪيو ويو آهي.
