لنڊن -13 نومبر (اي پي پي) برطانوي پارليامينٽ جي ٻنهي ايوانن جي ميمبرن حڪومت کان ايران جي پاسداران انقلاب کي دهشتگرد تنظيم قرار ڏيڻ جو مطالبو ڪيو آهي. برطانوي خابرو اداري مطابق برطانوي پارليامينٽرين جو چوڻ آهي، ته پاسداران انقلاب تي پابندي وچ اوڀر ۾ استحڪام جي بحال ڏانهن هڪ قدم هوندو. برطانوي وزيراعظم رشي سونڪ جي نالي هڪ خط ۾ پارليامينٽ جي هيٺين ايوان ۽ هائوس آف لارڊز جي 60 کان وڌيڪ ميمبرن چيو ته وچ اوڀر جي حالتن کي نظر ۾ رکندي پاسداران کي ڪالعدم قرار ڏيڻ ضروري آهي، اسان برطانوي حڪومت کان مطالبو ڪيون ٿا ته ايران جي پاسداران انقلاب گروپ کي دهشتگرد تنظيم قرار ڏيڻ جي اهميت کي تسليم ڪندي ان تي جلدي عمل ڪري.
