ابوظهبي -07 نومبر (اي پي پي)گڏيل عرب امارات غزه پٽي تي ايٽمي حملي بابت اسرائيل جي وزير جي بيان جي مذمت ڪئي آهي. سعودي ميڊيا مطابق امارات جي پرڏيهي آفيس بيان ۾ چيو آهي، ته غزه تي ايٽمي حملي جي حوالي سان اسرائيل جي وزير جو بيان ناقابل قبول آهي. امارات ان بيان جي سخت مذمت ڪري ٿو ۽ ان کي عالمي قانون جي ابتڙ سمجهون ٿا. اسرائيل جي وزير جو بيان اجتماعي نسل ڪشي جي عزم کي ظاهر ڪري ٿو جيڪا ڳڻتي جي ڳالهه آهي.عرب امارات اسرائيل طرفان ايٽم بم استعمال ڪرڻ واري تاثر کي غلط سمجهي ٿو.
