ابوظهبي -07 نومبر (اي پي پي)ابوظهبي جي ٽريفڪ کاتي خطرناڪ ڊرائيورن جي نگراني لاءِ مصنوعي ذهانت جو استعمال شروع ڪري ڇڏيو آهي. سعودي ميڊيا مطابق ٽريفڪ کاتي جي ماتحت محفوظ شهر سينٽر جي ڊائريڪٽر چيو ته شاهراهن تي خطرناڪ ڊرائيور سسٽم استعمال ڪيو پيو وڃي جنهن تحت خودڪار نظام تحت خطرناڪ ڊرائيورن جي سرگرمين تي نظر رکي وئي آهي. هن بڌايو ته ٽريفڪ کاتي مصنوعي ذهانت سان ليس ڪيمرائون نصب ڪيون آهن، جيڪي پتو لڳائينديون ته ڊرائيونگ دوران موبائيل استعمال ڪيو ويو يا نه؟ ان کان علاوه ڊرائيورن طرفان اوچتو موڙ ڪاٽڻ يا فوٽ پاٿ جي ڪنڊ استعمال ڪرڻ يا گاڏين وچ ۾ ضروري مفاصلو نه رکڻ جهڙين سرگرمين کي به نوٽ ڪيو ويندو.