APP40-201120 ISLAMABAD: November 20 - Minister for Power Umer Ayub Khan called on Prime Minister Imran Khan. APP

اسلام آباد – 20 نومبر (اي پي پي) وزيراعظم عمران خان سان توانائي واري وفاقي وزير عمر ايوب خان هتي ملاقات ڪئي، توانائي واري وزير انڊسٽريل پيڪيج، توانائي ۽ پيٽروليم بابت معاملن تي وزيراعظم کي بريف ڪيو. وزيراعظم ميڊيا آفيس موجب هن چيو ته صنعتي شعبي کي رعايتي اگهن تي بجلي جي فراهمي جي حڪومتي فيصلي جا مثبت نتيجا سامهون آيا آهن، وزيراعظم ڪاروباري طبقي پاران بجلي جي اگهن جي حوالي سان حڪومتي فيصلي جي آجيان تي اطمينان جو اظهار ڪندي چيو ته ملڪي معيشت جي استحڪام لاءِ انڊسٽري کي هر ممڪن سهولت فراهم ڪرڻ حڪومت جي اولين ترجيحن ۾ شامل آهي.