اسلام آباد – 15 سيپٽمبر (اي پي پي) صدر ڊاڪٽر عارف علوي چيو آهي ته عورتن ۾ ڇاتيءَ جي ڪينسر جي تشخيص ۾ دير هاڃيڪار ثابت ٿي سگهي ٿي، ان حوالي سان ڀرپور آگاهي پيدا ڪرڻ جي ضرورت آهي. اها ڳالهه هن پنهنجي هڪ ٽوئيٽ ۾ چئي. صدر چيو ته پاڪستان ۾ ڇاتيءَ جي ڪينسر کي گهٽ ڪرڻ جي لاءِ هڪ اهم احتياطي تدبيرون عورتن جي لاءِ هڪ سادو پيغام آهي، اُهو اِهو ته پنهنجي ڇاتيءَ جو پاڻ معائنو ڪن ۽ جيڪڏهن ڪا مشڪوڪ سوڄ آهي ته ان جي وڌيڪ تشخيص ڪرائين.
