اسلام آباد – 15 اپريل (اي پي پي) وزيراعظم جي اطلاعات ۽ نشريات بابت خاص مددگار ڊاڪٽر فردوس عاشق اعواڻ پاڪستان ٽيليويزن چينل تي ٽيلي ايجوڪيشن ٽرانسميشن شروع ڪرڻ جي وزيراعظم جي قدم کي ساراهيندي چيو آهي ته هاڻي هر ٻار ان نوول پروگرام ذريعي تعليم حاصل ڪندو. نجي ٽي وي چينل سان ڳالهائيندي هن چيو ته ڏورانهن علائقن جا ٻار پئسو خرچ ڪرڻ کانسواءِ معياري تعليم حاصل ڪري سگهندا ڇو ته هي سڀني جي لاءِ مفت آهي.
