اسلام آباد – 27 آگسٽ (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته وزيراعظم عمران خان والاريل ڪشمير جي عوام جو آواز بڻجي چڪو آهي، ڪشمير مسئلي جي حل لاءِ عالمي برادري کي ڊو مور ڪرڻو پوندو، وزيراعظم عمران خان جنرل اسيمبلي ۾ ڪشمير جو ڪيس ڀرپور انداز ۾ وڙهندو، ڪابينا جمعي ڏينهن 12 وڳي کان ساڍي 12 وڳي دوران ڪشميرين سان يڪجهتي جي وزيراعظم جي اعلان جي توثيق ڪئي آهي. وزيراعظم عمران خان جي صدارت ۾ ٿيندڙ ڪابينا جي اجلاس کانپوءِ پريس انفارميشن ڊپارٽمينٽ ۾ صحافين کي بريفنگ ڏيندي هن چيو ته ڪابينا اجلاس ۾ 10 نقاطي ايجنڊا تي غور ڪيو ويو، وزيراعظم ڪشمير جي صورتحال تي قوم کي خطاب تي ڪابينا کي اعتماد ۾ ورتو.
