اسلام آباد – 08 اپريل (اي پي پي) وزيراعظم عمران خان جي صدارت ۾ پنجاب ۾ مقامي حڪومتن جي نظام بابت بريفنگ اجلاس ڪالهه سومر ڏينهن ٿيو. اجلاس ۾ وزيراعظم کي نئين مقامي حڪومتن جي نظام ۾ تعلقي ۽ ڳوٺاڻي سطح تي چونڊيل نمائندن کي بااختيار بڻائڻ، مقامي سطح تي انتظامي ڍانچي کي فعال بڻائڻ، ماليات جي وصولي، صحت، تعليم، پاڻي ۽ نيڪالي ۽ سالڊ ويسٽ مئنيجمينٽ جهڙين ٻين سهولتن جي فراهمي جي سلسلي ۾ تفصيلي بريفنگ ڏني وئي.
