اسلام آباد – پهرين جنوري (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته اسان گورنر راڄ جي ڳالهه ڪڏهن ناهي ڪئي، مراد علي شاهه تي ڪرپشن جا الزام آهن ان لاءِ اسان ان جي استعيفيٰ جي ڳالهه ڪري رهيا آهيون، بلاول ڀٽو زرداري خوش فهمي جو شڪار آهي، هن پاڪستان جي تاريخ ناهي پڙهي، سنڌ ۾ وزيرن جو وڏو انگ ڦرلٽ جو حصو نه آهي، اهي تبديلي جو ساٿ ڏيڻ چاهين ٿا. هو نجي ٽي وي جي پروگرام ۾ ڳالهائي رهيو هو.
