اسلام آباد – 10 ڊسمبر (اي پي پي) سينيٽ جي ڊپٽي چيئرمين سليم مانڊوي والا چيو آهي ته جمهوريت ۽ انساني حقن جو پاڻ ۾ گهرو لاڳاپو آهي، غريب طبقي کي خوشحال ڪرڻ کانسواءِ انساني حقن تي عملدرآمد ناممڪن آهي، پارليامينٽ کي انساني حقن تي عملدرآمد ڪرائڻ لاءِ پنهنجو ڪردار ادا ڪرڻو پوندو. انساني حقن جي عالمي ڏينهن جي موقعي تي پنهنجي پيغام ۾ هن چيو ته انساني حقن جي خلاف ورزي سان جمهوريت ڪمزور ٿيندي آهي.
