اسلام آباد – 30 آڪٽوبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته مخالف ڌر جي پارٽين جي اي پي سي صرف اين آر او وٺڻ جي لاءِ ڪرائي پئي وڃي، نواز شريف جي سياست ختم ٿي چڪي، هاڻي هو پارليامينٽ هائوس ماڻهن سان صرف ملڻ ئي اچي سگهي ٿو، پارليامينٽ هائوس ٻاهران ميڊيا سان ڳالهائيندي اطلاعات ۽ نشريات واري وفاقي وزير چوڌري فواد حسين چيو ته وزيراعظم عمران خان جي ٻاهرين ملڪ دورن جي ڪاميابي سبب اسٽاڪ مارڪيٽ ۾ ڪاروباري ماپي ۾ اضافو ٿيو آهي ٻن ڏينهن ۾ اسٽاڪ مارڪيٽ ۾ 1450 پوائنٽ جو اضافو ٿيو جيڪو هڪ ڏهاڪي ۾ سڀ کان وڌيڪ اضافو آهي.
