اسلام آباد – 22 سيپٽمبر (اي پي پي) اطلاعات ۽ نشريات واري وفاقي وزير چوڌري فواد حسين ڀارتي حڪمران طبقي جي جنگي جنون پيدا ڪرڻ جي ڪوششن کي رد ڪندي چيو آهي ته ڀارتي حڪومت پاڪستان جي خلاف نفرت پکيڙي ڀارتي عوام جو وزيراعظم مودي جي ڪرپشن اسڪينڊل تان ڌيان هٽائڻ چاهي ٿي. پنهنجي بيان ۾ هن چيو ته ڀارت جي بيان سان نئون تڪرار شروع ٿي ويو آهي، پاڪستان جي ماڻهن کي اها ڳالهه ذهن ۾ رکڻ گهرجي ته ڀارت جي بيان جو تعلق پاڪستان جي امن جي آڇ کان وڌيڪ ڀارت جي اندر جيڪو تڪرار هلي رهيو آهي ان سان وڌيڪ آهي.
