اسلام آباد – 03 آگسٽ (اي پي پي) مسلم ليگ (ن) جي اڳواڻ ۽ اطلاعات ۽ نشريات جي اڳوڻي مملڪتي وزير مريم اورنگزيب چيو آهي ته عائشه گلالئي جيڪو ڪجهه چيو ان جي ڪنهن مناسب فورم تي ضرور جاچ ٿيڻ گهرجي، اسان کي هڪٻئي جي ماءُ ڀيڻ، ڌيءِ تي گند اڇلائڻ جي فرسوده ڪلچر کي سدائين جي لاءِ ختم ڪرڻو پوندو، ميڊيا ۽ سوشل ميڊيا سڀني اخلاقي ضابطن کي نظرانداز ڪري عورت جي تقدس جون ڌڄيون اڏائي رهيا آهن، جهڙي طرح عاشه گلالئي جي معاملي کي ڊيگهه ڏني پئي وڃي ۽ هڪٻئي جي مائرن، ڀينرن ۽ ڌيئرن کي نشانو بڻايو پيو وڃي اهو انتهائي افسوسناڪ آهي، اڄ بنا ڪنهن تميز جي مائرن، ڀينرن ۽ ڌيئرن جون چادرون اڇاليون پيون وڃن ۽ انهن جي بيعزتي ڪئي پئي وڃي، ميڊيا ۽ سوشل ميڊيا سڀني اخلاقي ضابطن کي نظر انداز ڪري عورتن جي مقدس مقام جون ڌڄيون اڏائي رهيا آهن ۽ پيمرا اڃان به خاموش سان اهو تماشو ڏسي رهي آهي.
