اسلام آباد – پهرين مئي (اي پي پي) وزيراعظم محمد نواز شريف چيو آهي ته مسلم ليگ (ن) جي حڪومت مزدورن ۽ انهن جي خاندانن جي ڀلائي لاءِ پرعزم آهي، مزدورن جي ڀلائي ۽ انهن جي زندگي جي معيار کي بلند ڪرڻ لاءِ حڪومت مزدورن بابت قانونن کي بهتر ڪرڻ سميت ڪيترائي قدم کنيا آهن. پورهيتن جي عالمي ڏهاڙي تي پنهنجي پيغام ۾ هن چيو ته مزدورن جو عالمي ڏهاڙو هر سال مزدورن جي اڻٿڪ محنت جي ياد ۾ ملهايو وڃي ٿو، هي ڏينهن اسان کي هڪ موقعو ڏي ٿو ته اسان مزدورن جي انهن ڪوششن کي ياد ڪري سگهون جيڪي هنن پنهنجي ملڪن جي ترقي، خوشحالي ۽ ڀلائي لاءِ ڪيون آهن.