پاڪستان جو آئين سمورن شهرين جي بنيادي حقن کي تحفظ فراهم ڪري ٿو: وزيراعظم

اسلام آباد – 10 اپريل (اي پي پي) وزيراعظم محمد نواز شريف چيو آهي ته پاڪستان جو آئين بنا ڪنهن فرق جي سمورن شهرين جي بنيادي حقن جو تحفظ فراهم ڪري ٿو، آئيني ڏهاڙو ملهائڻ جي روايت سان آئين جي بالادستي برقرار رکڻ جي جذبي کي سگهه ملندي. هن اها ڳالهه آئيني ڏهاڙي جي موقعي تي پنهنجي پيغام ۾ چئي. وزيراعظم آئيني ڏهاڙي جي موقعي تي پاڪستاني عوام کي مبارڪباد ڏيندي چيو ته هي ڏينهن انهن سمورن شهرين ۽ اڳواڻن جي ڪوششن ۽ ڪردار کي اجاگر ڪري ٿو جن قومي اتفاق راءِ ذريعي آئين سازي جي لاءِ اڻٿڪ محنت ڪئي.