اسلام آباد – 22 فيبروري (اي پي پي) صدر ممنون حسين چيو آهي ته پاڪستان افغانستان کي هڪ مخلص دوست سمجهي ٿو، امن ۽ ترقي ۽ خوشحالي جي لاءِ ان سان گڏجي ڪم ڪرڻ چاهيون ٿا، افغانستان کي غلط فهميون پيدا ڪرڻ جي ڪوشش ڪندڙ عنصرن کي رد ڪرڻ گهرجي، خطي ۾ امن افغانستان ۾ امن سان واڳيل آهي. هو ڪيڊٽ ڪاليج حسن ابدال جي ڪيڊٽس سان ڳالهائي رهيو جن ايوان صدر ۾ ساڻس ملاقات ڪئي. صدر چيو ته پاڪستان ڀارت سان دوستاڻن لاڳاپن جو خواهشمند آهي پر ڀارت کي به ان حوالي سان تعاون ڪرڻ گهرجي.
