اسلام آباد – 11 جنوري (اي پي پي) صدر ممنون حسين چيو آهي ته پاڪستان ڪرغزستان سان مضبوط لاڳاپن جو خواهشمند آهي. هن اها ڳالهه ايوان صدر ۾ ڪرغزستان جي اقتصادي معاملن واري وزير ۽ پاڪستان ڪرغزستان جوائنٽ وزارتي ڪميشن جي شريڪ چيئرمين جوشيوارزيبڪ اورزوبوڪووچ جي سربراهي ۾ هڪ وفد سان ملاقات دوران چئي. صدر چيو ته پاڪستان ۽ پاڪستاني عوام ڪرغزستان سان لاڳاپن کي وڏي قدر جي نگاهه سان ڏسي ٿي. هن چيو ته پاڪستان ۽ ڪرغزستان جي وچ ۾ توانائي جي شعبي ۾ ڪاسا 1000 جو منصوبو تمام اهم آهي ۽ اهو منصوبو توانائي جي کوٽ پوري ڪرڻ ۾ مددگار ثابت ٿيندو.
