اسلام آباد – پهرين نومبر (اي پي پي) اطلاعات ۽ نشريات واري پارلياماني سيڪريٽري محسن شاهنواز رانجها چيو آهي ته سچ هر صورت ۾ ثابت ٿيندو آهي ۽ تحريڪ انصاف مريم نواز جي ڪمپنين جي حوالي سان ڪي به دستاويز پيش نه ڪري سگهي آهي، پي ٽي آءِ جا وڪيل گذريل ڏينهن عدالت ۾ اهو ثابت ڪرڻ ۾ ناڪام ٿيا آهن ته نيسڪول ۽ نيلسن ڪمپنيون مريم نواز جي ملڪيت آهن. هن چيو ته جج ته تحريڪ انصاف جي وڪيل حامد خان کي اهو به چيو ته جيڪڏهن توهان وٽ مريم نواز جي انهن ڪمپنين جي حوالي سان ڪي ثبوت آهن ته فراهم ڪيا وڃن پر انهن وٽ ان حوالي سان ڪي ثبوت نه هئا.
