اسلام آباد – 27 آڪٽوبر (اي پي پي) صدر ممون حسين عالمي برادري تي زور ڏنو آهي ته هو والاريل ڪشمير ۾ انساني حقن جي سنگين خلاف ورزين جو نوٽيس وٺي ۽ ڪشميرين کي آزاداڻي ۽ منصفاڻي راءِ جي ذريعي خودمختياري جو حق ڏيارڻ لاءِ پنهنجا واعدا پوري ڪري. هن اهڙن خيالن جو اظهار والاريل ڪشمير ۾ ڀارت جي غير قانوني قبضي جي خلاف ڪاري ڏينهن جي موقعي تي پنهنجي پيغام ۾ ڪيو. صدر چيو ته گڏيل قومون جي سلامتي ڪائونسل ڄمون ۽ ڪشمير بابت قرادادن ۾ ڪشمير تڪرار جي حوالي سان پرامن، جمهوري ۽ مناسب حل پيش ڪيو.
