سنڌ جي گورنر پاران گورنر هائوس ۾ علامه محمد اقبال جي 149هين يومِ پيدائش جي مناسبت سان منعقد تقريب ۾ ڪيڪ ڪاٽي علامه اقبال جي قومي ۽ ادبي خدمتن کي ڀيٽا پيش

ڪراچي- 09 نومبر (اي پي پي) سنڌ جي گورنر سيد محمد نهال هاشمي گورنر هائوس ۾ شاعرِ مشرق علامه محمد اقبال جي 149هين يومِ پيدائش جي مناسبت سان منعقد ٿيل تقريب ۾ ڪيڪ ڪاٽيو ۽ علامه اقبال جي قومي ۽ ادبي خدمتن کي ڀيٽا پيش ڪئي.ان موقعي تي ڳالهائيندي گورنر سنڌ چيو ته شاعرِ مشرق علامه محمد اقبال پنهنجي فڪر، فلسفي ۽ شاعريءَ ذريعي برصغير جي مسلمانن ۾ آزادي، خودداري ۽ خود اعتماديءَ جو شعور پيدا ڪيو. سندس فلسفيِ خودي، عمل ۽ بلند نظريءَ جو پيغام اڄ به اسان جي قومي ۽ فڪري رهنمائيءَ جو اهم ذريعو آهي. هن وڌيڪ چيو ته علامه اقبال جو فڪر ۽ شاعري اسان جي قومي سڃاڻپ، نظرياتي بنياد ۽ فڪري ورثي جو قيمتي اثاثو آهي. سندس فڪر خاص طور تي نوجوان نسل لاءِ عزم، حوصلو، خود اعتمادي ۽ ڪاميابيءَ جو پيغام رکي ٿو. علامه اقبال جي تعليمات تي عمل ڪندي اسان هڪ مضبوط ۽ ترقي يافته پاڪستان جو بنياد رکي سگهون ٿا. تقريب ۾ مسلم ليگ (ن) بزنس فورم جو صدر مرزا اشتياق بيگ، علي حيدر، عمران بيگ، نامور واپاري شخصيتون ۽ ٻيون معزز شخصيتون پڻ موجود هيون.