سعودي عرب جي ولي عهد سان فرانس جي صدر جي ملاقات، مختلف شعبن ۾ سهڪار کي هٿي ڏيڻ تي خيالن جي ڏي وٺ

رياض- 22 آڪٽوبر(اي پي پي) سعودي عرب جي ولي عهد شهزاده محمد بن سلمان سان رياض جي قصر اليمامه ۾ فرانس جي صدر ايمانويل ميڪرون ملاقات ڪئي. پرڏيهي ميڊيا مطابق ملاقات ۾ سعودي عرب ۽ فرانس وچ ۾ تاريخي اسٽريٽجڪ لاڳاپن، موجوده سعودي فرانس جي سهڪار ۽ مختلف شعبن ۾ انهن کي وڌائڻ جي طريقن تي خيالن جي ڏي وٺ ڪئي وئي. ٻنهي اڳواڻن علائقائي ۽ عالمي صورتحال ۽ ان حوالي سان ڪيل ڪوششن ۾ هم آهنگي تي به ڳالهه ٻولهه ڪئي.