اسلام آباد - 15 آڪٽوبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار پشاور ۾ نجي اسڪول جي ڇت ڪرڻ جي نتيجي ۾ قيمتي جانين جي زيان تي گهري ڏک ۽ افسوس جو اظهار ڪندي چيو آهي ته هن افسوسناڪ واقعي پوري قوم کي غمگين ڪري ڇڏيو آهي، اسان جا ٻار اسان جو سڀ کان قيمتي اثاثو آهن ۽ اهڙي طرح جو جاني نقصان سڄي ملڪ …
نائب وزيراعظم ۽ پرڏيهي وزير سينيٽر محمد اسحاق ڊار پاران پشاور اسڪول واقعي تي ڏک جو اظهار
اسلام آباد – 15 آڪٽوبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار پشاور ۾ نجي اسڪول جي ڇت ڪرڻ جي نتيجي ۾ قيمتي جانين جي زيان تي گهري ڏک ۽ افسوس جو اظهار ڪندي چيو آهي ته هن افسوسناڪ واقعي پوري قوم کي غمگين ڪري ڇڏيو آهي، اسان جا ٻار اسان جو سڀ کان قيمتي اثاثو آهن ۽ اهڙي طرح جو جاني نقصان سڄي ملڪ لاءِ هڪ وڏو سانحو آهي. خميس ڏينهن سماجي رابطن واري پليٽ فارم ايڪس تي پنهنجي پوسٽ ۾ نائب وزيراعظم فوت ٿيندڙن جي خاندانن سان دلي تعزيت ۽ همدردي جو اظهار ڪندي دعا ڪئي ته الله تعاليٰ مرحومن کي جنت الفردوس ۾ اعليٰ مقام عطا فرمائي ۽ سوڳوار خاندانن کي صبر ۽ جميل ۽ هن ناقابل تلافي نقصان کي برداشت ڪرڻ جي همت عطا ڪري. سينيٽر اسحاق ڊار چيو ته وزيراعظم شهباز شريف ۽ حڪومت ان صورتحال جو سنجيدگي سان نوٽيس ورتو آهي، ٻارن جي حفاظت ۽ سلامتي کي هر صورت ۾ اولين ترجيح رهڻ گهرجي. هن زور ڏنو ته متاثر ماڻهن کي فوري امداد فراهم ڪرڻ، زخمين کي بهترين ممڪن طبي سهولتن جي فراهمي يقيني بڻائڻ ۽ اسڪولن ۾ حفاظتي معيار بهتر بڻائڻ جي لاءِ سمُورا ضروري قدم کنيا وڃن ته جيئن اهڙن المناڪ واقعن جي ٻيهر ٿيڻ کان بچي سگهجي.
