سريلنڪا انڊر 17 مينز ڪرڪيٽ ٽيم پاڪستان خلاف سيريز ۾ شرڪت لاءِ ملتان پهچي وئي

لاهور- 05 آڪٽوبر (اي پي پي) سريلنڪا انڊر 17 مينز ڪرڪيٽ ٽيم پاڪستان خلاف سيريز ۾ شرڪت لاءِ ملتان پهچي وئي آهي، جتي ٻنهي ٽيمن وچ ۾ واحد ٽن ڏينهن واري ۽ 5 ون ڊي ميچون کيڏيون وينديون. مهمان ٽيم جي ملتان آمد کانپوءِ سيريز لاءِ تياريون مڪمل ڪيون ويون آهن، جڏهن ته رانديگر ۽ ٽيم آفيشلز پنهنجي شيڊول مطابق سرگرمين ۾ حصو وٺندا. سريلنڪا انڊر 17 ٽيم پاڪستان انڊر 17 خلاف مجموعي طور تي 6 ميچز کيڏندي، جن ۾ هڪ 3 ڏينهن واري ميچ ۽ 5 هڪ ڏينهن واريون ميچون شامل آهن. سيريز جون سموريون ميچون ملتان ڪرڪيٽ اسٽيڊيم ۾ کيڏيون وينديون، جنهن لاءِ انتظامن کي حمتي شڪل ڏني پئي وڃي.