يورپي يونين پاران جي 7 اتحادين تي روانگي واپار جون پابنديون نه لڳائڻ جي فيصلي جي آجيان

برسلز- 03 آڪٽوبر (اي پي پي) يورپي يونين جي صدر ارسولاوان ڊيرليين گروپ آف سيون (جي 7) ملڪن پاران اتحادي ملڪن تي روانگي واپار جون پابنديون نه لڳائڻ جي فيصلي جي آجيان ڪندي عالمي توانائي ايجنسي (آءِ اي اي اي) جي نگراني ۾ ٻارڻ جا ذخيرا جاري ڪرڻ جي حمايت ڪئي آهي. پرڏيهي ميڊيا مطابق جي 7 اڳواڻن جي ورچوئل اجلاس کان پوءِ سوشل ميڊيا پليٽ فارم ايڪس تي پنهنجي بيان ۾ ارسولاوان ڊيرليين چيو ته شهرين کي توانائي جي ضرورت آهي ۽ هو ان جا مستحق آهن. جي سيون ملڪ ان مقصد لاءِ ويجهو سهڪار ڪندا. هن آءِ اي اي اي جي سهڪار سان ايندڙ چئن مهينن دوران ڊيزل ۽ ٻيا تيل جا 10 ڪروڙ بيرل ذخيرا جاري ڪرڻ جي جي 7 منصوبي جي حمايت ڪندي چيو ته ان قدم سان توانائي جي تحفظ کي مضبوط بڻائڻ ۾ مدد ملندي.