اسلام آباد - 13 آگسٽ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار ۽ ناروي جي پرڏيهي وزير ايسپن بارٿ آئيڊي خميس ڏينهن پرڏيهي آفيس ۾ وفدن جي سطح تي ڳالهين جي قيادت ڪئي. پرڏيهي آفيس موجب، ٻنهي طرفن کان واپار، سيڙپڪاري، موسمياتي تبديلي، سامونڊي معاملن ۽ تعليم سميت مختلف شعبن ۾ ٻطرفي تعاون جي سڀني رخن جو جائزو ورتو ويو. ٻنهي ڌُرين ناروي ۾ رهندڙ …
نائب وزيراعظم ۽ پرڏيهي وزير سينيٽر محمد اسحاق ڊار ۽ ناروي جي پرڏيهي وزير ايسپن بارٿ آئيڊي جي وفدن جي سطح تي ڳالهين جي قيادت
اسلام آباد – 13 آگسٽ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار ۽ ناروي جي پرڏيهي وزير ايسپن بارٿ آئيڊي خميس ڏينهن پرڏيهي آفيس ۾ وفدن جي سطح تي ڳالهين جي قيادت ڪئي. پرڏيهي آفيس موجب، ٻنهي طرفن کان واپار، سيڙپڪاري، موسمياتي تبديلي، سامونڊي معاملن ۽ تعليم سميت مختلف شعبن ۾ ٻطرفي تعاون جي سڀني رخن جو جائزو ورتو ويو. ٻنهي ڌُرين ناروي ۾ رهندڙ پاڪستاني برادري جي اهم ڪردار کي ساراهيندي ٻنهي ملڪن جي عوام جي وچ ۾ رابطن کي وڌيڪ مضبوط ڪرڻ تي اتفاق ڪيو. ٻنهي ڌُرين پاڪستان ۽ ناروي جي وچ ۾ گرم جوش ۽ دوستاڻن لاڳاپن جي موجوده حالت تي اطمينان جو اظهار ڪيو ۽ گڏيل دلچسپي جي شعبن ۾ تعاون کي وڌيڪ وڌائڻ تي اتفاق ڪيو. ٻنهي پرڏيهي وزيرن گڏيل دلچسپي جي علائقائي ۽ عالمي صورتحال تي پڻ تفصيلي خيالن جي ڏي وٺ ڪئي. ناروي جي پرڏيهي وزير تازو ايران-آمريڪا تڪرار دوران پاڪستان جي اهم ۽ تعميري ڪردار کي ساراهيو، جنهن ۾ وزيراعظم محمد شهباز شريف، نائب وزيراعظم ۽ پرڏيهي وزير سينيٽر محمد اسحاق ڊار ۽ فيلڊ مارشل سيد عاصم منير جي قيادت ۽ خدمتون به شامل آهن.
