پاڪستان اسٽاڪ ايڪچسينج ۾ ٻاڙائي جو رجحان، ڪي ايس اي 100 انڊيڪس 1463.60 پوائنٽس گهٽجي ويو

اسلام آباد- 11 آگسٽ (اي پي پي) پاڪستان اسٽاڪ ايڪسچينج ۾ اڱاري ڏينهن به ٻاڙائي جو رجحان برقرار رهيو ۽ بينچ مارڪ ڪي ايس اي 100 انڊيڪس 1463.60 پوائنٽس جي گهٽتائي کانپوءِ 179846.68 پوائنٽس تي بند ٿيو. ريڊي مارڪيٽ ۾ 860.261 ملين شيئرز جو ڪاروبار ٿيو، جنهن جي مجموعي ماليت 38.862 ارب رپيا رهي، جڏهن ته مارڪيٽ جو مجموعي سيڙپڪاري (مارڪيٽ ڪيپيٽلائزيشن) به 20.258 ٽريلين رپين کان گهٽجي 20.142 ٽريلين رپيا ٿي وئي. مارڪيٽ ۾ مجموعي طور تي 563 ڪمپنين جي شيئرز جي ڏيتي ليتي ٿي، 148 ڪمپنين جي شيئرز جي قيمتن ۾ اضافو، 311 جي قيمتن ۾ گهٽتائي ۽ 104 ڪمپنين جي شيئرز جون قيمتون مستحڪم رهيون. ڳاڻٽي جي لحاظ سان سينر جيڪو پي ڪي سرفهرست رهيو، جنهن جي 133.907 ملين شيئرز جو ڪاروبار ٿيو. ڪي اليڪٽرڪ لميٽيڊ جي 61.849 ملين ۽ هسڪول پيٽروليم جي 45.032 ملين شيئرز جي ڏيتي ليتي رڪارڊ ڪئي وئي. سڀ کان وڌيڪ اضافو ڪندڙ شيئرز ۾ يوني ليور پاڪستان فوڊز لميٽيڊ نمايان رهيو، جنهن جي شيئرز جي قيمت 89.50 رپين جي واڌ کانپوءِ 25389.50 رپين تي بند ٿي، جڏهن ته رفحان ميز پروڊڪٽس ڪمپني لميٽيڊ جي شيئرز 66.35 رپين جي واڌ سان 9300 رپين تي بند ٿيا. ٻي طرف پي آءِ اي هولڊنگ ڪمپني لميٽيڊ بي جي شيئرز جي قيمت 496.73 رپين جي گهٽتائي کانپوءِ 17351.67 رپين تي بند ٿيا، جڏهن ته سازگار انجينئرنگ ورڪس لميٽيڊ جي شيئرز 42.85 رپيا گهٽتائي کانپوءِ 1882.27 رپين تي بند ٿيا. ڪي ايس اي 30 انڊيڪس 434.78 پوائنٽس جي گهٽتائي سان 53571.08 پوائنٽس، جڏهن ته اسلامي ماليات رکندڙ ڪي ايم آءِ 30 انڊيڪس 2717.47 پوائنٽس جي گهٽتائي سان 253007.71 پوائنٽس تي بند ٿيو.