ڪشمير قانون ساز اسيمبلي جُون چُونڊُون، پيپلز پارٽي آزاد ڪشمير جي صدر محمد ياسين چوڌري کي شڪست، (ن) ليگ جو محمد رياست خان ڪامياب

اسلام آباد-28 جولاءِ (اي پي پي) ڪشمير قانون ساز اسيمبلي جي تڪ ايل اي -12 ڪوٽلي 5 چڙهوئي مان مسلم ليگ (ن) جو اميدوار محمد رياست خان 35 هزار 168 ووٽ حاصل ڪري ڪامياب قرار ٿيو، ان تڪ مان پاڪستان پيپلز پارٽي آزاد ڪشمير جي صدر محمد ياسين چوڌري کي شڪست ملي، پرزائيڊنگ آفيسر تڪ ايل اي 12- ڪوٽلي 5 طرفان جاري غير حتمي نتيجي مطابق ان تڪ ۾ ڪل ووٽرز جو انگ 1 لک 26 هزار 332 هو جن مان 67 هزار 838 ووٽ وڌا ويا. مسلم ليگ (ن) جو اميدوار محمد رياست خان 35 هزار 168 ووٽ حاصل ڪري ڪامياب قرار ٿيو، جڏهن ته پيپلز پارٽي جي صدر محمد ياسين چوڌري 30 هزار 320 ووٽ حاصل ڪيا. هتي ڪل 15 اميدوار آمهون سامهون هئا. ٽرن آئوٽ جي شرح 53.84 سيڪڙو رهي.