راولپنڊي - 16 جولاءِ (اي پي پي) اطلاعات ۽ نشريات واري وفاقي پارلياماني سيڪريٽري بئريسٽر دانيال چوڌري چيو آهي ته آزاد ڄمون ۽ ڪشمير جي عوام ايندڙ چونڊن ۾ ڪارڪردگي، ترقي ۽ عوامي خدمت کي نظر ۾ رکندي پنهنجو فيصلو ڪندي ۽ مسلم ليگ (ن) کي تاريخي ڪاميابي ڏياريندي. اهڙن خيالن جو اظهار هن آزاد ڄمون ۽ ڪشمير قانونساز اسيمبلي جي چونڊن جي سلسلي ۾ راولپنڊي ۾ مسلم ليگ (ن) …
آزاد ڄمون ۽ ڪشمير جي عوام ايندڙ چونڊن ۾ مسلم ليگ (ن) کي تاريخي ڪاميابي ڏياريندي: بئريسٽر دانيال چوڌري
مزید خبریں
راولپنڊي – 16 جولاءِ (اي پي پي) اطلاعات ۽ نشريات واري وفاقي پارلياماني سيڪريٽري بئريسٽر دانيال چوڌري چيو آهي ته آزاد ڄمون ۽ ڪشمير جي عوام ايندڙ چونڊن ۾ ڪارڪردگي، ترقي ۽ عوامي خدمت کي نظر ۾ رکندي پنهنجو فيصلو ڪندي ۽ مسلم ليگ (ن) کي تاريخي ڪاميابي ڏياريندي. اهڙن خيالن جو اظهار هن آزاد ڄمون ۽ ڪشمير قانونساز اسيمبلي جي چونڊن جي سلسلي ۾ راولپنڊي ۾ مسلم ليگ (ن) جي اهتمام هيٺ منعقد هڪ وڏي چونڊ ميڙ کي خطاب ڪندي ڪيو. ان موقعي تي ريلوي واري وفاقي وزير محمد حنيف عباسي، قومي اسيمبلي ميمبر طاهره اورنگزيب، قومي اسيمبلي ميمبر ابرار احمد، آزاد ڪشمير جي اميدوار احمد رضا قادري ۽ ياسين لون، سٽي صدر مسلم ليگ (ن) راولپنڊي سردار نسيم خان، قومي اسيمبلي جي اڳوڻي ميمبر حاجي پرويز خان، پنجاب اسيمبلي ميمبر ضياءَ الله شاهه، رفعت عباسي، اسماءَ ناز عباسي، شازيه رضوان، زيب النساءَ، طاهره مشتاق، تحسين فواد، چيئرمينز، وائيس چيئرمينز، مقامي قيادت ۽ ڪارڪنن جي وڏي انگ شرڪت ڪئي. بئريسٽر دانيال چوڌري چيو ته آزاد ڪشمير جي عوام باشعور آهي ۽ اها ترقي ڪمن، عوامي خدمت ۽ ڪارڪردگي جي بنياد تي ووٽ ڏيندي. مسلم ليگ (ن) سدائين عوامي مسئلن جي حل، تعمير ۽ ترقي ۽ خطي جي خوشحالي جي لاءِ عملي قدم کنيا آهن جڏهن ته مخالفن وٽ عوام کي ڏيڻ جي لاءِ رڳو الزام ۽ منافي سياست آهي. هن چيو ته هي چونڊون واعدن بدران ڪارڪردگي جون چونڊون آهن، عوام چڱي طرح ڄاڻي ٿي ته ڪهڙي پارٽي عملي طور تي خدمت ڪئي ۽ ڪنهن رڳو دعوى ڪئي. مسلم ليگ (ن) جا اميدوار عوام جي اعتماد تي پورو لهندا. وفاقي پارلياماني سيڪريٽري ڪارڪنن تي زور ڏنو ته اهي چونڊ مهم دوران گهر گهر رابطو ڪن، پارٽي جي ڪارڪردگي کي عوام تائين پهچائين ۽ چونڊ مهم کي وڌيڪ موثر بڻائين.
