اسلام آباد - 29 جون (اي پي پي) وزيراعظم محمد شهباز شريف پي آءِ اي جي نجڪاري جي عمل ۾ پهرين فنانشل ڪلوزنگ جي ڪاميابي ۽ سيڙپڪار ڪنسورشيم کي انتظامي اختيارن جي منتقلي کي قومي فضائي اداري جي لاءِ هڪ نئين باب جي شروعات قرار ڏيندي چيو آهي ته اڄ پاڪستان جي معاشي سڌاراجاتي سفر ۾ هڪ ٻيو اهم سنگ ميل عبور ٿيو آهي. سومر ڏينهن ايڪس تي پنهنجي پيغام …
پي آءِ اي نجڪاري جي پهرين فنانشل ڪلوزنگ ۽ انتظامي اختيارن جي منتقلي سان معاشي سفر ۾ اهم سنگ ميل عبور ٿيو: وزيراعظم محمد شهباز شريف
مزید خبریں
اسلام آباد – 29 جون (اي پي پي) وزيراعظم محمد شهباز شريف پي آءِ اي جي نجڪاري جي عمل ۾ پهرين فنانشل ڪلوزنگ جي ڪاميابي ۽ سيڙپڪار ڪنسورشيم کي انتظامي اختيارن جي منتقلي کي قومي فضائي اداري جي لاءِ هڪ نئين باب جي شروعات قرار ڏيندي چيو آهي ته اڄ پاڪستان جي معاشي سڌاراجاتي سفر ۾ هڪ ٻيو اهم سنگ ميل عبور ٿيو آهي. سومر ڏينهن ايڪس تي پنهنجي پيغام ۾ وزيراعظم چيو ته پي آءِ اي جي جديدڪاري ۽ ان کي وڌيڪ مضبوط بڻائڻ جي لاءِ ڪئي ويندڙ انقلابي سيڙپڪاري جي ذريعي اسان ان جو نئين سر بنياد رکي رهيا آهيون جڏهن ته پاڪستان تي سيڙپڪارن جي اعتماد کي پڻ وڌيڪ مستحڪم ڪري رهيا آهيون. هن نائب وزيراعظم ۽ پرڏيهي وزير سينيٽر محمد اسحاق ڊار کي خراج تحسين پيش ڪيو خاص طور تي فيلڊ مارشل سيد عاصم منير ۽ ان جي محنتي ٽيم، وزيراعظم جي نجڪاري واري صلاحڪار محمد علي، ناڻي واري وفاقي وزير سينيٽر محمد اورنگزيب، نجڪاري ڪميشن ۽ انهن سمورن ماڻهن کي مبارڪباد ڏني جن جي پيشيواراڻي صلاحيت، اڻٿڪ عزم ۽ اڻٿڪ ڪوششن ان تاريخي ڪاميابي کي ممڪن بڻايو. وزيراعظم چيو ته اسان گڏجي اهڙي جرئتمنداڻي سڌارن جو سفر جاري رکنداسين جيڪي معيشت کي وڌيڪ مضبوط بڻائين، عوام جي لاءِ نوان موقعا پيدا ڪن ۽ پاڪستان جي لاءِ هڪ وڌيڪ خوشحال مستقبل جي ضمانت بڻجن.
