اسلام آباد – 20 جون (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته مخالف ڌر ڪنهن جي خواهش تي نه پر جيڪو پوکيو اهو ئي لُڻي رهي آهي، چور دروازي مان رليف وٺڻ جو وقت هليو ويو آهي، مريم نواز ڪجهه ڏينهن اڳ عدالتن جي خودمختيار هجڻ جي ڳالهه ڪئي، اڄ هو عدالتي فيصلن تي ماتم ڪرڻ بدران انهن جو احترام ڪري، وزيراعظم عمران خان جهڙي طرح سڀني جي لاءِ هڪ جهڙو قانون لاڳو ڪري شروعات ڪئي آهي، اهو نئين پاڪستان طرف پهريون قدم آهي، فنڪار پنهنجي فن ذريعي سڄي دنيا ۾ ملڪ جو مثبت تشخص اجاگر ڪن ٿا، فنڪارن جا مسئلا حل ڪرڻ جي لاءِ ٺوس سپورٽ پاليسي جوڙي پئي وڃي، فنڪارن کي اعزازيو، صحت ڪارڊ ۽ گهر ڏنا ويندا جڏهن ته وزيراعظم جي احساس پروگرام ۾ پڻ انهن کي شامل ڪيو ويندو. اهڙن خيالن جو اظهار هن لوڪ ورثه ۾ صحافين سان ڳالهائيندي ڪيو.
