اسلام آباد – 25 آگسٽ (اي پي پي) قومي اسيمبلي جي اسپيڪر سردار اياز صادق چيو آهي ته پاڪستان ۽ ترڪيءَ جي وچ ۾ تاريخي دوستي آهي جيڪا هر آزمائش تي سدائين پوري لٿي آهي، ترڪيءَ هي مشڪل وقت ۾ پاڪستان جو ساٿ ڏنو آهي. هن اهڙن خيالن جو اظهار پاڪستان ۾ مقرر ترڪيءَ جي سفير صادق بابر سان ڳالهائيندي ڪيو جنهن پارليامينٽ هائوس ۾ اسپيڪر سان ملاقات ڪئي. اسپيڪر ٻنهي ڀائر اسلامي ملڪن جي وچ ۾ لاڳاپن کي وڌيڪ سگهه ڏيڻ جي لاءِ ٻنهي ملڪن جي پارليامينٽ ميمبرن جي وچ ۾ رابطن کي وڌيڪ فروغ ڏيڻ تي زور ڏنو.
