اسلام آباد – 19 آگسٽ (اي پي پي) وزيراعظم محمد نواز شريف نيشنل بئنڪ آف پاڪستان جي هيڊ آفيس ڪراچي جو دورو ڪيو. ان موقعي تي وزيراعظم کي نيشنل بئنڪ ۾ شفافيت ۽ ٽن سالن دوران بهتري بابت بريفنگ ڏني وئي. کيس ٻڌايو ويو ته انهي عرصي دوران بئنڪ جي اثاثن ۽ ان جي منافعي ۾ اضافو ٿيو آهي. وزيراعظم آفيس پاران جاري پڌرائي موجب ان موقعي تي کيس وزيراعظم يوٿ بزنس لون اسڪيم بابت تفصيلي پريزنٽيشن ڏني وئي. وزيراعظم ان اسڪيم تحت لاڳاپيل ڪلائنٽس کي رقم جي فراهمي جي رفتار ۽ درخواستگذارن کي قرضن جي فراهمي کان انڪار تي ڪاوڙ جو اظهار ڪيو.
