اسلام آباد – 20 آگسٽ (اي پي پي) اطلاعات ۽ نشريات واري وفاقي وزير سينيٽر پرويز رشيد چيو آهي ته وزيراعظم جو نالو پاناما ليڪس ۾ نه آهي، طاهرالقادري گذريل حڪومت کي رات اڍائي وڳي ٻن منٽن جو وقت ڏنو پر ان حڪومت به پنهنجو مدو پورو ڪيو، موجوده حڪومت به پنهنجو آئيني مدو پورو ڪندي، براهمداغ بگٽي جي بيان جو جواب بلوچستان جي نوجوانن پاڪستان زندهه آباد جو نعرو هڻي ڏنو آهي. لوڪ ورثه ۾ صحافين سان ڳالهائيندي هن چيو ته طاهرالقادري جون ڳالهيون اسلام آباد وارا اڳ ۾ ٻه ڀيرا ٻڌي چڪا آهن، طاهرالقادري گذريل حڪومت کي رات جو اڍائي وڳي ٻن منٽن جو وقت ڏنو پر ان حڪومت به پنهنجو مدو پورو ڪيو. هن چيو ته ڪجهه ماڻهو سيپٽمبر کي ستم گر بڻائڻ چاهين ٿا پر سيپٽمبر مهينو مهربان ئي رهندو.
