اٽلي جا رانديگر وميٽيو آرنالڊي ۽ فلاويو ڪوبولي فرنچ اوپن ٽينس مينز سنگلز جي سيمي فائنل ۾ داخل ٿي ويا

پيرس- 04 جون (اي پي پي) اٽلي جا  ٽينس رانديگر وميٽيو آرنالڊي ۽ فلاويو ڪوبولي پنهنجي شاندار ڪارڪردگي جي ڪري اي ٽي پي فرينچ اوپن ٽينس ٽورنامينٽ ۾ مينز سنگلز مقابلي جي سيمي فائنل ۾ پهچي ويا جڏهن ته اٽلي جو ٽينس اسٽار ميٽيو براٽيني مردن جي سنگلز مقابلي جي ڪوارٽر فائنل ميچ دوران فٽنس مسئلن جي ڪري دستبردار ٿي ويو. ميڊيا رپورٽن مطابق سال جي ٻئي گرينڊ سلام فرينچ اوپن ٽينس ٽورنامينٽ جا دلچسپ ۽ سخت مقابلا فرانس جي گادي واري هنڌ  پيرس ۾ جاري آهن، جنهن ۾ ٽينس جي مداحن کي دلچسپ ۽ سخت مقابلا ڏسڻ لاءِ ملي رهيا آهن. مردن جي سنگلز مقابلي جي ڪوارٽر فائنل رائونڊ ميچ ۾، اٽلي جي  رانديگر وميٽيو  آرنلڊي ۽ سندس هم وطن مخالف رانديگر  ميٽيو براٽيني جي وچ ۾ مقابلو 5-7 ۽ 2-5 تائين پهتو، جڏهن اٽلي جو ٽينس اسٽار ميٽيو براٽيني فٽنس مسئلن جي ڪري پوئتي هٽي ويو ۽ اطالوي ٽينس رانديگر وٽوريو آرنالڊي سيمي فائنل لاءِ ڪواليفائي ڪري ورتو آهي. ميٽيو براٽيني ڪلهي  جي سور جي ڪري ميچ کي اڌ ۾  ڇڏڻ جو فيصلو ڪيو. ڪوارٽر فائنل مرحلي جي هڪ ٻئي ميچ ۾، اٽلي جو ٽينس رانديگر فلاويو ڪوبولي ڪينيڊا جي چوٿين سيڊڊ رانديگر فيلڪس اوجرا الياسيم کي سخت مقابلي کان پوءِ 6-4، 4-6، 4-6 ۽ 4-6 تان شڪست ڏئي پهريون ڀيرو ڪنهن گرينڊ سليم جي سيمي فائنل ۾ پهتو آهي. سيمي فائنل رائونڊ ۾، اٽلي جي ٽينس رانديگر وميٽو آرنلڊي  جو مقابلو فلاويو ڪوبولي سان ٿيندو  جڏهن ته ٻئي سيمي فائنل ۾، جرمن اليگزينڊر زويروف  جو مقابلو جمهوريه چيڪ جي جيڪب مينسڪ سان  ٿيندو.