لاهور – 24 مئي (اي پي پي) پاڪستان ۽ آسٽريليا وچ ۾ ٽن ميچن تي ٻڌل ون ڊي سيريز جي شروعات کان اڳ آسٽريلوي ٽيم جو ٻيون گروپ پاڪستان پهچي ويو آهي جڏهن ته مهمان ٽيم ڀرپور پريڪٽس سيشن ۾ حصو وٺندي. ذريعن مطابق آسٽريليا جي رانديگرن ۽ سپورٽ اسٽاف تي ٻڌل ٻيو جٿو پاڪستان پهچڻ کانپوءِ هوٽل منتقل ٿي ويو، جتي سيڪيورٽي جا سخت انتظام ڪيا ويا آهن. آسٽريلوي …
پاڪستان آسٽريليا ون ڊي سيريز، آسٽريلوي ٽيم جو ٻيون گروپ پاڪستان پهچي ويو
لاهور – 24 مئي (اي پي پي) پاڪستان ۽ آسٽريليا وچ ۾ ٽن ميچن تي ٻڌل ون ڊي سيريز جي شروعات کان اڳ آسٽريلوي ٽيم جو ٻيون گروپ پاڪستان پهچي ويو آهي جڏهن ته مهمان ٽيم ڀرپور پريڪٽس سيشن ۾ حصو وٺندي. ذريعن مطابق آسٽريليا جي رانديگرن ۽ سپورٽ اسٽاف تي ٻڌل ٻيو جٿو پاڪستان پهچڻ کانپوءِ هوٽل منتقل ٿي ويو، جتي سيڪيورٽي جا سخت انتظام ڪيا ويا آهن. آسٽريلوي اسڪواڊ جي آمد بعد سيريز جو تياريون وڌيڪ تيز ٿي ويون آهن ۽ ڪرڪيٽ جي شوقينن ۾ به جوش ۽ جذبو وڌي ويو آهي. ٽيم منيجمينٽ پاران رانديگرن جي فٽنس ۽ ڪمبينيشن تي خاص ڌيان ڏنو پيو وڃي ته جيئن سيريز جي شروعات کان اڳ بهترين تياري مڪمل ڪري سگهجي. پاڪستان ۽ آسٽريليا وچ ۾ ٽن ميچن تي ٻڌل ون ڊي سيريز شيڊول آهي، جنهن لاءِ ٻئي ٽيمون ڀرپور تيارين ۾ مصروف آهن. سيريز جي پهرين ميچ 30 مئي تي راولپنڊي ڪرڪيٽ اسٽيڊيم ۾ کيڏي ويندي، جتي شوقينن کي ڀرپور مقابلي جي توقع آهي. پاڪستاني ٽيم هوم گرائونڊ ۽ مقامي ڪنڊيشنز جو فائدو کڻڻ لاءِ پرعزم آهي جڏهن ته آسٽريليا جي ٽيم پنهنجي جارحاڻي ڪرڪيٽ سبب هميشا هڪ مضبوط مخالف سمجهي ويندي آهي. ڪرڪيٽ جي ماهرن مطابق ٻنهي ٽيمن وچ ۾ اها سيريز انتهائي دلچسپ ثابت ٿي سگهي ٿي.
