مھراڻ يونيورسٽي آف انجنيئرنگ اينڊ ٽيڪنالاجي ۾ نئين تدريسي سال 2026-27 جي ڪمپيوٽرائزڊ داخلا ٽيسٽ ورتي وئي

حيدرآباد-22 مئي ( اي پي پي) مھراڻ يونيورسٽي آف انجنيئرنگ اينڊ ٽيڪنالاجي ۾ نئين تدريسي سال 2026-27 جي ڪمپيوٽرائزڊ داخلا ٽيسٽ جي شروعات ڪالهه 22 مئي کان ٿي ، روزاني ٽن شفٽن ۾ داخلا جي 900 اميدوارن کان ٽيسٽ ورتي پئي وڃي. مھراڻ يونيورسٽي جي وائيس چانسلر پروفيسر ڊاڪٽر طحٰه حسين علي، رجسٽرار پروفيسر ڊاڪٽر نصرالله پيرزادو، فئڪلٽي ڊينز ۽ داخلا ڪاميٽي جي ميمبرن ٽيسٽ سينٽر جو دورو ڪري انتظامن جو جائزو ورتو.