پاڪ آسٽريليا ون ڊي سيريز 30 مئي کان شروع ٿيندي

لاهور- 20 مئي (اي پي پي) پاڪستان ۽ آسٽريليا وچ ۾ ون ڊي سيريز 30 مئي کان شروع ٿي رهي آهي، جڏهن ته قومي ٽيم کي اوپنرز فخر زمان ۽ صائم ايوب جي غير موجودي جو منهن ڏسڻو پوندو. ٻئي رانديگر انجريز سبب سليڪشن لاءِ موجود نه هوندا. ذريعن مطابق فخر زمان ۽ صائم ايوب هن وقت انجريز کان ريڪوري جي عمل مان گذري رهيا آهن. پي سي بي ميڊيڪل اسٽاف جي نگراني ۾ ري هيب جاري آهي. پاڪستان ڪرڪيٽ بورڊ، ٻنهي ڪرڪيٽرن جي جلد صحتيابي لاءِ نيڪ خواهشن جو اظهار ڪندي رانديگرن جي فٽنس بابت وڌيڪ اپ ڊيٽ جلد جاري ڪرڻ جو امڪان ظاهر ڪيو آهي.