مانچيسٽر سٽي ۽ ايورٽن وچ ۾ ميچ دلچسپ مقابلي کانپوءِ 3-3 گولن تان برابر، ٽائيٽل جي ڊوڙ ۾ آرسنل سڀ کان اڳيان

لنڊن- 5 مئي (اي پي پي) مانچيسٽر سٽي ۽ ايورٽن جي ٽيمن وچ ۾ انگلش پريمئير ليگ جي اهم ميچ تمام دلچسپ مقابلي کانپوءِ 3-3 جي گولن تان برابر رهي، جنهن کان پوءِ چيمپئينشپ جو فيصلو هاڻي مڪمل طور تي آرسنل جي هٿن ۾ هليو ويو آهي. پرڏيهي ميڊيا موجب  انگلش پريمئير ليگ جي 34 هين سيزن جا دلچسپ ۽سخت مقابلا انگلينڊ ۾ جاري آهن. اهو ٽاپ فلائيٽ انگلش فٽبال جو 127 هون ايڊيشن آهي. ٻئي طرف، فٽبال جي ماهرن جو چوڻ آهي ته ليگ جي آخري هفتي ۾ ڪيترين ئي ڊرامائي تبديلين جو امڪان آهي. فٽبال ٽورنامينٽ مداحن لاءِ هڪ تمام دلچسپ مرحلي ۾ داخل ٿي چڪو آهي، جتي هر ميچ ٽائيٽل جو فيصلو ڪرڻ ۾ اهم ڪردار ادا ڪري سگهي ٿي.