عالمي مارڪيٽ ۾ ڪچي تيل جي قيمتن ۾ واڌ جو رجحان جاري

اسلام آباد-29 اپريل (اي پي پي)  عالمي مارڪيٽ ۾ ڪچي تيل جي قيمتن ۾ واڌ جو رجحان جاري رهيو. برينٽ ڪروڊ تحت خام تيل جي مستقبل جا سودا 3.07 سيڪڙو جي واڌ کان پوءِ 114.63 ڊالر جي بيرل ۾ طئي ٿيا. آمريڪي ويسٽ ٽيڪساس انٽرميڊئيٽ تحت مستقبل جا سودا 3.64 سيڪڙو جي واڌ کان پوءِ 103.54 ڊالرن ۾ طئي ٿيا. سون جي قيمت 0.44 سيڪڙو جي گهٽتائيءَ کان پوءِ 4573.80 ڊالر في اونس ۽ چانديءَ جي قيمت 0.28 سيڪڙو جي گهٽتائيءَ کان پوءِ 72.82 ڊالر ٿي ويا. ڪڻڪ جي قيمت ۾ 0.44 سيڪڙو ۽ سويابين جي قيمت ۾ 0.50 سيڪڙو واڌ، جڏهن ته ڪوئلي جي قيمت ۾ 0.76 سيڪڙو جي گهٽتائي ٿي.