ملڪ جي اڪثر علائقن ۾ ايندڙ 24 ڪلاڪن دوران تيز هوائن، آنڌاڻي ۽ گجگوڙ سان ڪجهه هنڌن تي برسات جو امڪان آهي: موسميات کاتو

اسلام آباد- 28 اپريل (اي پي پي) موسميات کاتي اڳڪٿي ڪئي آهي ته ملڪ جي اڪثر علائقن ۾ ايندڙ 24 ڪلاڪن دوران تيز هوائن، آنڌاڻي ۽ گجگوڙ سان ڪجهه هنڌن تي برسات جو امڪان آهي، جڏهن ته ملڪ جي ٻين علائقن ۾ موسم گرم ۽ خشڪ رهڻ جو امڪان آهي. موسميات کاتي مطابق (اڄ) اربع ڏينهن ملڪ جي اڪثر علائقن ۾ موسم گرم ۽ خشڪ رهڻ جي اميد آهي، جڏهن ته مٿانهين خيبر پختونخوا، گلگت بلتستان ۽ ڪشمير ۾ تيز هوائن، آنڌاڻي ۽ گجگوڙ سان ڪجهه هنڌن تي برسات جو امڪان آهي. گذريل 24 ڪلاڪن دوران پنجاب، مٿانهين خيبر پختونخوا، ڪشمير، اتر بلوچستان، بارکان ۽ سکر ۾ ڪجهه هنڌن تي آنڌاڻي ۽ گجگوڙ سان برسات پئي. ملڪ جي ٻين علائقن ۾ موسم گرم ۽ خشڪ رهي.