اسلام آباد -28 اپريل (اي پي پي) وزيراعظم محمد شهباز شريف جي صنت ۽ پيداوار بابت خاص معاون هارون اختر خان چيو آهي، ته پاڪستان ۽ يورپي يونين وچ ۾ شراڪتداري نئين دور ۾ داخل ٿي رهي آهي. جتي لاڳاپن کي صرف واپار تائين محدود رکڻ بدران سيڙپڪاري، نواڻ ۽ جٽادار ترقي جي رخ ۾ اڳيان وڌايو ويندو. اڱاري ڏينهن يورپي يونين پاڪستان بزنس فورم کي خطاب ڪندي هن چيو ته …
پاڪستان ۽ يورپي يونين جي شراڪتداري نئين دور ۾ داخل ٿي رهي آهي: هارون اختر خان
مزید خبریں
اسلام آباد -28 اپريل (اي پي پي) وزيراعظم محمد شهباز شريف جي صنت ۽ پيداوار بابت خاص معاون هارون اختر خان چيو آهي، ته پاڪستان ۽ يورپي يونين وچ ۾ شراڪتداري نئين دور ۾ داخل ٿي رهي آهي. جتي لاڳاپن کي صرف واپار تائين محدود رکڻ بدران سيڙپڪاري، نواڻ ۽ جٽادار ترقي جي رخ ۾ اڳيان وڌايو ويندو. اڱاري ڏينهن يورپي يونين پاڪستان بزنس فورم کي خطاب ڪندي هن چيو ته هي فورم رڳو هڪ ڪانفرنس ناهي پر مستقبل جي رخ جو تعين ڪرڻ جو اهم لمحو آهي جتي ٻنهي خطن وچ ۾ اقتصادي تعاون کي نئين جدت ڏئي سگهجي ٿي. هن جو چوڻ هو ته پاڪستان تي عالمي اعتماد ۾ اضافو ٿي رهيو آهي ۽ حڪومت ان اعتماد کي وڌيڪ مستحڪم بڻائڻ لاءِ سنجيده قدم کڻي رهي آهي. هارون اختر خان چيو ته وزيراعظم محمد شهباز شريف جي قيادت ۾ ڏکين معاشي حالتن باوجود معيشت کي استحڪام مليو ۽ اها ڳالهه واضح ٿي وئي آهي ته معاشي بحالي رڳو انگن اکرن سان نه پر اثرائتي قيادت ۽ اعتماد سان ممڪن ٿيندي آهي. هن چيو ته پاڪستان خطي ۾ امن ۽ استحڪام جي علامت بڻجي اڀريو آهي ۽ هن هميشه ٽڪراءَ بدران ڳالهين ۽ ذميواراڻي طرز عمل کي ترجيح ڏني آهي. هن جو چوڻ هو ته يورپي يونين هن وقت پاڪستان جي سڀ کان وڌي روانگي واپار جي مارڪيٽ آهي. جي ايس پي پلس اسڪيم ملڪي روانگي واپار ۽ معيار جي بهتري ۾ اهم ڪردار ادا ڪيو. هن زور ڀريو ته هاڻي وقت اچي ويو آهي ته لاڳاپن کي واپار کان اڳيان وڌائي سيڙپڪاري، ٽيڪنالاجي ۽ جدت ڏانهن وٺي وڃجي. هن چيو ته ٽيڪسٽائيل کان وٺي ٽيڪنالاجي تائين پاڪستان عالمي سپلاءِ چين ۾ اهم شراڪتدار بڻجڻ جي صلاحيت رکي ٿو. سندس چوڻ هو ته 24 ڪروڙ آبادي سان پاڪستان وڏي ۽ اڀرندڙ مارڪيٽ آهي جيڪا ڏکڻ ايشيا، وچ ايشيا ۽ وچ اوڀر وچ ۾ اهم واپاري گيٽ وي جي حيثيت رکي ٿو. هارون اختر چيو ته صنعتي بحالي حڪومت جي معاشي ويزن جو مرڪزي ٿنڀ آهي ۽ ان تحت عارضي حل بدران پختي صلاحيت متعارف ڪرائي پئي وڃي. هن چيو ته ڪارخانا هلندا ته روزگار وڌندا ۽ معيشت مضبوط ٿيندي، ايس اي ايز کي باختيار بڻائي معيشت کي وڌيڪ چٽاڀيٽي جهڙو بڻايو پيو وڃي. هن جو چوڻ هو ته قومي ٽيرف پاليسي ذريعي ڪاروبار ۾ آساني ۽ لاڳت ۾ گهٽتائي آندي ئي وڃي جڏهن ته ريگيوليٽري گلوٽين قدمن تحت غير ضروري رڪاوٽون ختم ڪيون پيون وڃن. هن چيو ته سيڙپڪارن کي سهولت، خاطري ۽ وسعت فراهم ڪرڻ حڪومت جي ترجيح آهي. اسپيشل اڪنامڪ زونز کي وڌيڪ مضبوط بڻايو پيو وڃي. هن چيو ته نيو انرجي وهيڪل پاليسي ذريعي ماحول دوست ترقي کي هٿي وٺائي پئي وڃي ۽ پاڪسان روانگي واپار ڪندڙ تي ٻڏل سيڙڪاري سان هلندڙ معيشت ڏانهن وڌي رهيو آهي. هارون اختر چيو ته گلگت بلتستان، خيبر پختونخوا ۽ بلوچستان جا معدني وسيلا روانگي واپار ۾ انقلاب برپا ڪري سگهن ٿا. نوجوان ڪاروباري ماڻهو ۽ هنرمند افرادي قوت ملڪ جي ترقي ۾ اهم ڪردار ادا ڪري رهيا آهن. هن سياحت، تجديد جوڳي توانائي، زراعت، فارماسيوٽيڪل، لاجسٽڪس ۽ انفراسٽرڪچر جي شعبن ۾ سيڙپڪاري جي وسيع موقعن جي نشاندهي ڪندي چيو ته پاڪستان سڌارن ذريعي پاڻ کي مستحڪم ۽ پرڪشش سيرپڪاري مرڪز طور مڃرايو آهي. هن چيو ته پاڪستان تبديلي جو تماشائي ناهي پر ان جو معمار بڻجڻ لاءِ پرعزم آهي ۽ سيڙپڪاري لاءِ اهو صحيح وقت آهي.
