سڄي ملڪ ۾ سون جي قيمت ۾ 8900  روپين جي گهٽتائي رڪارڊ

اسلام آباد -28 اپريل (اي پي پي) سڄي ملڪ ۾ سون جي قيمت ۾ 8900 روپين جي گهٽتائي سان في تولو سون 4 لک 85 هزار 62 روپيا ٿي ويو. آل پاڪستان جيمز اينڊ جيولرز ايسوسيئيشن موجب گذريل ڏينهن سون جي في تولي قيمت ۾ 8900  روپين جي گهٽتائي کان پوءِ في تولو سون 4 لک 85 هزار 62 روپيا ٿي ويو جڏهن ته 24 قيراط سون جي 10 گرام جي قيمت به 7630 روپيا گهٽجڻ کان پوءِ 4 لک 23 هزار 492 روپين مان گهٽجي 4 لک 15 هزار 862 روپيا ٿي وئي ۽ 10 گرام 22 قيراط سون جي قيمت 388215 روپين مان گهٽجي 381220 روپيا ٿي وئي.