روم _15 اپريل (اي پي پي) اٽلي هاڻي اسرائيل سان دفاعي تعاون جو معاهدو معطل ڪري ڇڏيو آهي . پرڏيهي ميڊيا مطابق وزيراعظم جارجيا ميلوني ۽ سفارتي ذريعن ٻڌايو آهي ته اٽلي اسرائيل سان پنهنجو دفاعي معاهدو معطل ڪري ڇڏيو آهي جنهن ۾ فوجي ساز و سامان ۽ ٽيڪنالاجي جي تحقيق جي مٽا سٽا شامل آهي . جارجيا ميلوني هڪ تقريب جي موقعي تي چيو ته موجوده صورتحال کي نظر ۾ رکندي حڪومت اسرائيل سان دفاعي …
اٽلي پاران اسرائيل سان دفاعي سهڪار جو معاهدو معطل
مزید خبریں
روم _15 اپريل (اي پي پي) اٽلي هاڻي اسرائيل سان دفاعي تعاون جو معاهدو معطل ڪري ڇڏيو آهي . پرڏيهي ميڊيا مطابق وزيراعظم جارجيا ميلوني ۽ سفارتي ذريعن ٻڌايو آهي ته اٽلي اسرائيل سان پنهنجو دفاعي معاهدو معطل ڪري ڇڏيو آهي جنهن ۾ فوجي ساز و سامان ۽ ٽيڪنالاجي جي تحقيق جي مٽا سٽا شامل آهي . جارجيا ميلوني هڪ تقريب جي موقعي تي چيو ته موجوده صورتحال کي نظر ۾ رکندي حڪومت اسرائيل سان دفاعي معاهدي جي پاڻ ڀري تجديد معطل ڪرڻ جو فيصلو ڪيو آهي . اهي دفاعي صنعتون ، فوجي اهلڪارن جي تعليم ۽ تربيت ، تحقيق ۽ ترقي ۽ انفارميشن ٽيڪنالاجي سميت ٻين شعبن ۾ سهڪار تي ٻڌل آهن . اٽلي جي حڪومت اسرائيل جي فوج تي لبنان ۾ گڏيل قومن جي اٽلي جي امن فوج جي قافلي تي گوليون هلائڻ جو الزام لاڳو ڪيو جنهن بعد ٻنهي ملڪن وچ ۾ گذريل هفتي کان ڇڪتاڻ ۾ اضافو ٿيو آهي. رپورٽ مطابق اهو فيصلو سومر ڏينهن پرڏيهي وزير انتونيو تاجاني، دفاع واري وزير گويڊو ڪروسٽيو ۽ نائب وزيراعظم ميٽيو سالويني کان صلاح مشورو وٺڻ بعد ڪيو ويو آهي. اسرائيل جي گهرو وزارت جي ترجمان ان معاملي تي تبصرو ڪرڻ کان به انڪار ڪري ڇڏيو آهي.
